Нумар прысвечаны невядомай вайсковай гісторыі Беларусі XX ст. 
Упершыню друкуюцца раней невядомыя ўспаміны афіцэраў Паўла Алейнікава і Міхаіла Яраслаўцава, якія бралі ўдзел у Палескім паходзе арміі генерала Станіслава Булак-Булаховіча. Яны тычацца захопу Мазыра, баёў за Калінкавічы, абвяшчэння незалежнасці Беларусі ў Тураве. Гэтыя матэрыялы адшукаў і падрыхтаваў да друку менскі гісторык Уладзімір Ляхоўскі.
Таксама ў нумары – багата ілюстраваны нарыс пра масавыя «ўрачыстасці» ў акупаваным Менску (1944) і даследаванне на тэму, ці пакутніцкая смерць Язафата Кунцэвіча ў Віцебску памагла ўсталяванню ўніяцкай царквы ў Беларусі.