Бацькі Цэрын Ванмо Дгомпы (Tsering Wangmo Dhompa) уцяклі з акупаванага Тыбета ў 1958 годзе. Паэтка нарадзілася ў 1969-м і ніколі не бачыла радзімы сваіх продкаў, хоць менавіта ёй прысвечана большасць яе твораў. Яна расла ў тыбецкіх камунах у індыйскай Дхарамсале і непальскім Катманду, затым вучылася ў ЗША і ўрэшце асела там настала. Цэрын Ванмо Дгомпа — першая тыбецкая паэтка, якая пачала публікаваць свае кнігі на ангельскай мове.

(Фота: poetryfoundation.org)