Збігнеў Хундарт — польскі гісторык, доктар навук. Займаецца палітычнай і вайсковай гісторыяй Рэчы Паспалітай другой паловы XVII ст. Аўтар дзвюх навуковых манаграфій: “Каронныя гусары ў польска-турэцкай вайне, 1672-1676” (Husaria koronna w wojnie polsko-tureckiej, 1672—1676. Oświęcim, 2012, IIwyd. 2014) і “Паміж булавой і тронам. Кароннае войска ў барацьбе апазіцыі з прыдворнай групоўкай у 1669—1673 гг.” (Między buławą a tronem. Wojsko koronne w walce stronnictwa malkontentow z ugrupowaniem dworskim w latach 1669—1673. Oświęcim,2014). У сферу навуковых інтарэсаў уваходзяць таксама праблемы, звязаныя з вывучэннем афіцэрскага корпуса кароннай арміі, фінансаваннем і арганізацыяй войска, вайсковым патранатам, а таксама роля арміі ў палітычным жыцці дзяржавы.