Анета Прымака-Онішк — журналістка і публіцыстка з Польшчы. Паходзіць з праваслаўнай сям'і з Кнышэвічаў на Сакольшчыне. Публікавалася як журналістка ў выданнях «Gazeta Wyborcza», «Polityka», «National Geographic», «Karta». Пэўны час працавала прэс-сакратаром Цэнтра навукі «Капернік» у Варшаве. 

За кнігу «Бежанства 1915 года» была ўзнагароджана літаратурнай прэміяй прэзідэнта горада Беластока імя Веслава Казанецкага за 2016 год, а таксама Варшаўскай літаратурнай прэміяй за лепшую кнігу лістапада 2016 года. У красавіку 2018 г. Сабор епіскапаў Польскай Аўтакефальнай Праваслаўнай Царквы ўзнагародзіў яе ордэнам Святой Марыі Магдалены ІІІ ступені.

(Фота: biezenstwo.pl)