Чэслаў Чабану - быў дарадцам прэзыдэнта Савецкага Саюзу Міхаіла Гарбачова ў пытаньнях Цэнтральнай і Ўсходняй Эўропы. Ён абараніў дысэртацыю па палітэканоміі ў Маскоўскім дзяржаўным унівэрсытэце ў 1979 годзе. Пасьля распаду СССР Чабану займаў пасады намесьніка міністра замежных справаў Малдовы, міністра прыватызацыі й кіраваньня дзяржаўнай маёмасьцю, намесьніка кіраўніка Адміністрацыі прэзыдэнта Малдовы, дарадцы прэзыдэнта. Апошняя дзяржаўная пасада ў Малдове – пасол Малдовы ў ЗША. Пасьля сыходу зь дзяржаўнай службы доктар Чабану стаў навуковым супрацоўнікам унівэрсытэту імя Джэймза Мэдысана ў ЗША.