Гэты нумар узбагачае нашы веды пра славуты магнацкі род Радзівілаў. У ім асьвятляюцца асабісты лёсы яго найбольш выбітных прадстаўнікоў (Мікалая Мікалаевіча Радзівіла, Барбары Радзівіл, Мікалая Радзівіла Рудога, Крыштафа Радзівіла Перуна, Жыгімонта Караля Радзівіла, Мікалая Крыштафа Радзівіла Сіроткі, Януша і Багуслава Радзівілаў, Гераніма Флярыяна Радзівіла, Міхала Казіміра Радзівіла Рыбанькі), іх вайсковыя чыны, двары і рэзыдэнцыі, уладаньні і палацы, а таксама барацьба за дамінаваньне ў Вялікім Княстве Літоўскім.